Nothing but the truth
Nothing but the truth
BYA ABU BATUUSA | NANSANA | KYAGGWE TV | Poliisi y’e Nansana n’amagye bakubye amasasi mu bbanga nga bakwata abateberezebwa okubeera ababbi abatigomya ebitundu by’e Nansana n’emiriraano. Ab’eby’okwerinda bano babadde baduumirwa omuduumizi wa poliisi Anthony Nsadha era nga basobodde okukwata abantu abasoba mu 80 okuva mu bitundu okuli Nabweru mu Kafunda, mu Kibuloka, ku ky’e […]
Ababiito be Kibulala begaanye omusamize Wasajja Moses, eyeeyita Kabaka w’emisambwa e Kibulala eyalabikiddeko mu katambi nga akongojjebwa nga Kabaka. Akatambi akoogerwako kalaga omwanjuzi w’omukolo ogwo era omusamize naye eyeeyita Ssaabakabona Jjumba Lubowa Aligaweesa, ng’ayanjula musamize munne Wasajja Moses nti atuuziddwa ku Nnamulondo ya Bajjajjaabe e Kibulala e wa Ssekabaka Winyi. Ekiwandiiko ekirambika ku nsonga eno […]
BYA ABU BATUUSA | WAKISO | KYAGGWE TV | Waliwo maama eyeewanisizza abatuuze emitima ng’entabwe eva ku kuva waka n’aleka abaana abato bokka mu nnyumba kati ebbanga erisobye mu wiiki emu. Hidaya Namukasa ye yeewanisizza emitima abatuuze ku kyalo Kigoma mu muluka gw’e Bukasa mu ggombolola y’e Wakiso mu disitulikiti y’e Wakiso oluvannyuma lkw’okuva ewaka n’atakomawo […]
Waliwo Ssemaka ow’abakazi abana ebbuba gwe litembye ku jjoba n’akkira omugole n’amufumita ekiso mu lubuto n’amuyiwa ebyenda. William Woira ne kabiitewe omugole nnamba nnya Petua Nabirye gw’abadde yaakamala naye ebbanga lya myaka ebiri nga batuuze ku kyalo Butale mu ggombolola y’e Bugulumbya mu disitulikiti y’e Kamuli be baddusiddwa mu ddwaliro lya Kamuli General Hospital nga […]
RDC w’e Wakiso, Justine Mbabazi alagidde poliisi n’ekwata ‘parish chief’ n’abalala babiri ng’entabwe eva ku kubulankanya sente za PDM. Bano okukwatibwa kiddiridde abatuuze mu muluka gw’e Nakabugo mu ggombolola ya Wakiso-Mumyuka okubalumiriza nga bwe baabawa ssente za PDM ez’ebitundu kyokka ate ne babasaayiningisa ssente ndala ezisinga kw’ezo ze baafuna ekiggye RDC Mbabazi mu mbeera n’alagira […]
Abasawo mu ddwaliro e Rubaga bavuddeyo ku bigambo ebibadde bitandise okuyitingana nga biraga ng’omubaka wa Kawempe North, Muhammad Ssegirinya bw’afudde. Bano bagamba nti si kituufu, wadde omubaka Ssegirinya tali mu mbeera nnungi era ng’ali mu ddwaliro, mu kiseera kino tannaba kufa. Amawulire g’okufa kw’omubaka Ssegirinya gasaanikidde omutimbagano nga n’emikutu gy’amawulire egy’amaanyi mu ggwanga okuli CBS, […]
Asibiddwa Emyaka Akulira abalamuzi ba kkooti ento e Kira, Sallon Niwaha aliko omukozi w’awaka gw’akalize emyaka 40 mu nkomyo ng’entabwe eva ku kusingisibwa musango gwa kutugunya mwana. Precious Tumuhirwe atemera mu gy’obukulu 35 y’asindikiddwa mu mbuzi ekogga akulunguleyo emyaka 40 ng’entabwe eva ku kukkiriza musango gwa kutugunya mwana ow’emyaka 4 Claire Tumwekwase muwala wa Micheal […]
Abalangira n’Abambejja awamu n’Abasiramu baakunganye mu bungi mu kujjukira abantu abakoleredde ennyo Obusiramu okwali n’Omulangira Nuhu Mbogo ng’ono ye yawaayo n’ettaka okwazimbwa omuzikiti ogumanyidwa ogwa Mbogo e Kawempe. Bano baasoose na kulomba dduwa obwedda ekulemberwa ba maseeka era nga mwetabiddwamu abantu bangi okwabadde bannabyabufuzi, Abalangira, Abambejja, Bassaava ne Bannaava era nga Sheikh Abed Tamusuza ye […]
BYA WILBERFORCE KAWERE Minisita wa Ssaabasajja Kabaka avunanyizibwa ku gavumenti ez’ebitundu, okulambula kw’Omutanda n’abantu abali ebweru wa Buganda, Joseph Kawuki alabudde abaweereza mu Bwakabaka n’okusingira ddala abaami obutageza kuva ku mulamwa nga bakola emirimu mu ngeri eya gadibengalye n’okukola ebyo ebibaweebula ng’okutunda ettaka ly’Obwakabaka. Okulabula kuno, Minisita Kawuki abadde Kyaggwe mu Katende Gardens e Kalagi […]
Ekkanisa ya Uganda ekkuziza olunaku kabaka Herode lwe yattirako abaana nga luno lukuzibwa nga buli ennaku z’omwezi 28 December. Mu kusaba, abazadde basabiddwa okuteeka essuubi mu baana baabwe baleme okugujuubanira ebintu by’ensi ne bava ku katonda. Rev. Ssalongo James Lubega Musisi omusumba w’obusumba bw’e Bbira mu busaabadinkoni bw’e Nateete mu bulabirizi bw’e Namirembe asinzidde mu […]
