Ekitebe ekikulu eky’Obusiraamu mu ggwanga ekya Uganda Muslim Supreme Council (UMSC) kiguddemu amawulire ag’ennaku ag’okufa kwa Sheikh Anas Ssessimba.
Sheikh Ssessimba yafudde mu kiro ekikeesezza olwa leero. Yaliko omukulembeze ku UMSC ng’ono abadde mutuuze w’e Kaliisizo mu disitulikiti y’e Rakai.
Mu kiseera ng’ekitta basiraamu kiyinda mu ggwanga, Sheikh Ssessimba mu mwaka gwa 2016 yasimattuka abazigu abaamuzinduukiriza ng’ava e wuwe e Kaliisizo ng’ali mu bitundu by’e Mpigi wabula nga yasobola okugasimattuka.
Wabula poliisi yavaayo n’esambajja eby’okukuba Sheikh Ssessimba amasasi n’egamba nti ono baamukuba mayinja.
Sheikh Ssessimba agenda kuziikibwa lwa leero e Kaliisizo.