Omulamuzi wa kkooti e Makindye, Esther Adikin akkiriza omuyimbi Patrick Mulwana amanyiddwa ennyo nga Alien Skin n’omukuumi we, Julius Mugabi okweyimirirwa.
Alien Skin avunaanibwa omusango gw’okubba essimu ekika kya IPhone n’ensimbi emitwalo 48 sso ng’era ye n’omukuumi we Mugabi bavunaanibwa okukuba abasawo basatu okuva mu ddwaliro ly’e Nsambya.
Alien Skin yeeyimiriddwa ku kakalu ka nsimbi akakadde kamu ez’obuliwo sso ng’ababeeyimiridde bbo ba bukadde butaano buli omu ezitali za buliwo. Ababiri, Alien Skin ne Mugabi mu kiseera kino balya butaala.
Alien Skin, Mugabi n’abalala abatannakwatibwa kigambibwa nti nga November 18, 2024 mu ddwaliro e Nsambya, baakuba ne balubya Dr. Zaidi Matovu, Alex Odongo ne Anthony Munyanda. Wabula ababiri bano emisango gyonna baagyegaana.
Iron Sheets Scandal: Minister Lugoloobi Has a Case to Answer