Bano bakungaanye ku nteekateeka ey’ekyoto kwe bagenda okuyigira ensonga ez’enjawulo kyokka ng’era baatandise dda n’okwokya emisito gy’ennyama.
BYA TONNY EVANS NGABO | KYADDONDO | KYAGGWE TV |
Ng’eggwanga liri mu keetereekerero ak’okukuza amazaalibwa ga Ssaabasajja Kabaka wa Buganda, Ronald Muwenda Mutebi ag’e 70 ag’ekitiibwa, bbo Bannakyaddondwa ensonga bagyongeddemu ebirungo.
Bano bakungaanye ku nteekateeka ey’ekyoto kwe bagenda okuyigira ensonga ez’enjawulo kyokka ng’era baatandise dda n’okwokya emisito gy’ennyama.
Police Hit Bukedde TV Reporter Kalyankolo with Teargas Canister, Admitted in ICU
Ku Kyoto nga bwe gwabeeranga edda mu Buganda, nga ba jjajja batwala akaseera kano okubaako ebintu eby’omuwendo bye banyumiza bazzukulu baabwe sso ng’era babagabula n’ebigagu.
Mu byabanyumizibwanga mwabangamu engero, ebikoco, ebikokko n’emboozi ezikwata ku bintu eby’enjawulo omuli n’ebyafaayo.
Ekyoto kikungaanyizza abaana, abavubuka, abakyala n’abasajja abakulu ssaako ba jjajja abattuuludde mu myaka.
Enteekateeka eno akageri gy’etali ya bulijjo, Minisita wa Kabaka, Ow’ek: Anthony Wamala nga y’atwala eby’obuwangwa, ennono n’embiri y’asuubirwa okubeera omugenyi omukulu. Bano bakungaanidde ku mbuga y’essaza ly’e Kyaddondo e Kasangati. Kaggo, ye mwami wa Kabaka atwala essaza lino era ono ateeseteese bingi by’agenda okunyumiza n’okugabula abantu ba Maasomoogi.
