Nothing but the truth
Nothing but the truth
BYA BRENDA NANZIRI Abadde Ssekiboobo atwala essaza ly’e Kyaggwe, Elijah Boogere Lubanga Mulembya, Ssaabasajja Kabaka gwe yasiimye awummule oluvannyuma lw’emyaka etaano egy’obuweereza awaddeyo woofiisi eri amuddidde mu bigere. Omukolo guno ogubadde ku mbuga y’essaza ly’e Kyaggwe gukoleddwa mu maaso ga Minisita wa gavumenti ez’ebitundu e Mengo Joseph Kawuki n’abakulembeze ku mitendera egy’enjawulo ku mutendera […]
Ssentebe w’omuluka gwa Bukasa-Muyenga mu kibuga Kampala tanywa guteeka, ono avudde mu mbeera n’asibisa abatuuze basatu ku kyalo kye ng’abalanga kumusibako kalebule. Hajji Yasin Omar y’asibisizza abatuuze be bastu mu kkomera nga gw’abavunaana gwa kumwonoonera linnya nga batambuza ebigambo by’agamba nti tebiriiko mutwe na magulu. Omar agamba nti bano bamukonjera nga bw’alina akakwate ku mwana […]
Ng’enkuba yaakatandika okutonnya mu bizinga by’e Buvuma, amakubo gaatandise dda okukaabya abaayo akayirigombe. Erimu ku gafuuse ekizibu, lye liva ku mwalo e Kirongo mu ggombolola y’e Busamuzi ewagoba ekidyeri ekisaabaza abantu okuva ku lukalu e Kiyindi mu disitulikiti y’e Buikwe nga lino liyitamu okugenda e Kasaali mu ggombolola y’e Nairambi nga lye limu ku matono […]
Ttiimu ya Man U esimattuse ekibambulira ba muntu nsolo aba Coventry City bwe babuuze katono okubattamu omuntu. Man U yakulembedde omupiira guno ne ggoolo 3 aba Coventry ne babava emabega ne babayunga eddakiika 90 ne ziggwako nga balippaganye ku ggoolo 3 ku 3. Bano bayolekedde mu ddakiika 30 ne guggwako nga teri kalungi buli ludda […]
Mu kaweefube w’okwagala okuyamba abaana mu bizinga by’e Buvuma okufuna omukisa ogusomako, omusumba w’ekkanisa atwala ebizinga by’e Buvuma Rev. Brian Kiggundu yatandika essomero lya St. Peters Nursery and Primary School erisangibwa ku kitebe ky’obusumba e Walwanda mu Buvuma tawuni kkanso. Wabula embeera essomero lino gye lirimu mu kiseera kino yetaaga ssaala oba tugambe nti eyungula […]
Okutumbula eby’obulimi n’obulunzi mu bulabirizi bw’e Mukono y’emu ku mpagi enkulu omulabirizi w’e Mukono, Enos Kitto Kagodo ze yateeka ku mwanjo nga yaakatuula mu woofiisi mu kaweefube we gw’aliko ow’okubbulula ekkanisa n’Abakulisitaayo okuva mu nnawookeera w’obwavu. Omulabirizi Kagodo yagamba nti essira ayagala liteekebwe ku kulima emmwanyi, ebitooke, n’ebirime ebirala ssaako okulunda n’okusimba emiti. Wansi w’enteekateeka […]
Sipiika wa palamenti, Anita Annet Among avudde mu mbeera n’atabukira ab’ekitongole ekiwooza ky’omusolo ne gavumenti okutwalira awamu olw’okubinika abasuubuzi omusolo omunene ogubatuuse ne mu bulago nga ne bwe bavaayo ne balaajana tebakkiriza kubawuliriza. Among w’aviiriddeyo ng’abasuubuzi mu bitundu by’eggwanga eby’enjawulo nga bakulemberwamu bannaabwe ab’e Kampala bagenda mu wiiki nnamba nga baggadde amaduuka tebakyakola mu ngeri […]
Poliisi y’e Mukono yeefuulidde munnansi wa Jamaica bwe yaddukiddeeyo okuloopa omusango gw’okumubbako ssente ne ttiketi y’ennyonyi mu kifo ekisanyukirwamu wabula ate abasirikale ne baggaliramu ye. Audrey Williams (29) enzaalwa y’e Jamaica ng’agamba nti abeera Canada ye yeekubidde enduulu ng’ayagala okuyambibwa olw’abasirikale ku poliisi e Mukono okumwefuulira ne batamuyamba bwe yagenzeeeyo nga bamubbyeko ensimbi ezisoba mu […]
BYA ABU BATUUSA Aba ffamire ya nkubakyeyo basanze akaseera akazibu omuwala eyeeyise mukyala wa mutabani waabwe ali ku kyeyo e Dubai bw’abatwalidde omulambo ng’agamba nti mutabani waabwe yamuleka n’olubuto era n’abasaba baziike omulambo gw’omwana omuwere guno. Wabula oluvannyuma kizuuse ng’ono yali asiba kiwaani kuliirako ssente za nkubakyeyo ng’amugamba nga bw’ali olubuto naye nga tali. Kitegeerekese […]
Abadde omwami wa Kabaka ow’essaza ly’e Kyaggwe, Elijah Boogere Lubanga Mulembya oluvannyuma lwa Ssaabasajja Kabaka Ronald Mutebi II okusiima n’amuwummuza ku bukulu obwo, alagiddwa okweteekateeka aweeyo woofiisi eri Ssekiboobo omuggya, Vincent Matovu. Wadde ng’ebbaluwa eragira abadde Ssekiboobo okwetegeka n’abamyukabe okuli asooka Kato Matovu n’ow’okubiri Kanakulya Luswata teriiko nnaku za mwezi ddi lwe yawandiikiddwa ng’eno era […]
